close
今日下午對住電腦做做下野,
突然醒起今日係世貿會議既開幕,
就即刻開學校的網上電視睇直播~
反對wto的遊行果然厲害,
搞到灣仔附近好似宵禁甘,
冷冷清清~無人敢開門做生意~
不過都係意料中事了~
睇睇下現場灣仔碼頭附近的遊行人士,
突然有幾個企出海旁,
原來係南韓農民竟然想玩跳海示威~
實在太有創意啦~
一個又一個甘跳~現場估計有差不多100人會準備跳海~
所有傳媒都對準鏡頭(就係呢下已經完全達到宣傳既效果啦haha)
大家都猜測他們會唔會想遊近會展,
警方既像皮艇亦已經包圍他們,以防有進一步行動!
不經不覺跳左成五六十人落海,
就係呢d緊張關頭~
學校個直播電視竟然斷左~
一直到而家都仲未有畫面~天呀!!好緊張架嘛!!!!
搞到要由我媽晚上打來宿舍的電話先知故事發展既下集,
有關學校既質素真係唔想多講了~
不過做好d都唔係好過份者~(唔講了~有關學校的不滿太多了)
記得上次發生呢d大事件係911,
當時仲係華文~簡直連電視唔會睇~
記得個fd當時走入我地房報導時,
個個都以為係荷里活的新片~夠大製作嘛!!!
咦~講到戲添?!?!
最近上映既戲邊套好睇d呢?
如果愛?? 無極?? 點揀好呢? 窮喎!!!
X-MEN3又幾時會上呢????好吸引~
嘩~講左甘多野~好似無咩主題甘,證明我又開始癲左了haha
好~收歛下先~hehe
全站熱搜
留言列表
