今日一早起身就正”妝”待發~(其實我都仲想訓晏D既~不過今次TARGET太勁~所以要嚴陣以待)自上星期一見識過補習天王後，今個星期一就大戰SEVEN ELEVEN~無錯就係係IFC,71樓既恆基兆業~好有壓力~間公司已經大到有壓力,IN的職位更加有壓力，人地POST係PROJECT DESIGNER(interior)果種，所以我用左兩日時間速學透視圖，哈哈係有D離譜左D，我鬼識室內設計咩，不過人地俾到面叫我去IN咪去囉，學下到時唔駛交白卷嘛~
出發了，我當然如常一樣早左少少到左香港站~我上去IFC時的扶手電梯已經有壓迫感啦，簡直成度寒氣由上面壓落黎(D冷氣唔錯呀)~一上到去就見到寫字樓果邊的lobby，D人出出入入好有壓力呀，耳邊突然有好多多國語言，血壓指數飛升到基符爆燈的情度，時間未夠只好行遠少少離開重壓地區~當時不斷對自己講“份野好明顯唔對口啦~我點會識做呀~" “可能人地睇錯CV call錯人者~”……..不斷有好多心理掙扎，目的只係想自己relax~
時間差不多啦~要殺上七十一啦，我只係控制對腳向重壓區既lobby行，個腦當然繼續打緊交啦~過左D食蕉後，直入去問下姐姐係邊上七十一先(lobby D姐姐一定係嚴選過啦，真係……..嘩)，由lobby轉去恆基果到做登記，仲要即刻出左張pass，先飛上去56樓過程可能只係15秒(耳仔開始有反應)，之後再轉飛71樓(果到好勁~左右兩排電梯，兩個大集團一人擺十層，天呀~租金係幾多呢??)
各位觀眾~71樓到啦~一出電梯就見到成隻食蕉插左係度~一轉左就見到reception，姐姐問左我名之後就叫我坐低等等~好~
講下當時既環境先，坐低後左邊係電梯同reception仲有隻食蕉，右邊直望係一間大房，再望遠D窗外只係見到個山頭~個海呢?唔知~可能太高見唔到，講完眼就講返隻耳先，當時聽到有間房傳出一D英文~不過好差~我估係interview，之後仲驚~(我要唔要背下D自我介紹先呢?= =)
好啦~陳小姐出黎了~帶左我去一間房之後，收左我D工作同學歷證明，之後放低張FORM~填好就打內線CALL佢~張FORM真係…….太詳盡啦~到啊陳小姐再入黎收野時，就放低左張紙~ “20分鐘畫呢間房既透視圖” 係發揮呢兩日苦練既成果啦，AR~~~~~~過左十五分鍾，出事畫錯線添~好~五分鐘內再黎過~ 哎呀~岩岩畫完放射點陳小姐就入黎了~當填FORM時我既壓力已經無架啦~果刻只係有D尷尬者~(陳小姐SORRY呀~我浪費晒大家既時間)我同佢除左笑下都無咩其他了~張我D資料放晒入一個folder後就又行開了~當時我除左想閃人之外，都無咩其他要求了~= =”
係等既期間~開始諗~如果張個file send左上去，招人個部門會唔會有XYZ．．．既反應呢??不過有都正常既~畫到甘都夠膽黎IN~突然有個彭小姐入黎~算係了解下我甘啦~問下之前工作範圍?問下對大陸既印象?問下上面既情況~好彩之前係省廣都做過兩三個樓盤者~答得下兩嘴甘~大家有講有笑咪幾好~^^
典型問題出現了 “你對恆基有咩認識呢?” 出事~之前果兩日都係度畫透視圖，無搵料添~SO……我繼續吹啦~係廣東方面恆基地產無咩樓盤項目，主要都係…….
終於完左啦~十分感謝陳小姐同彭小姐抽出寶貴既工作時間，我又由71樓急跌返落地面了~行返出lobby~D姐姐真係GOOD呀^^
飛升左上去整整一百分鐘，簡直真係無得頂呀~搵返間真正既七仔買野飲先~
留言列表
