今日返HK啦,仲開始搬遷的大工程(宿舍搬屋企)，
唔知點解每次返親黎都好似好耐無返過甘，
或者我真係幾耐先返黎一次既(起碼一個月以上先一次)，
今日有幾樣令我驚訝既野 (/O\)
第一樣：之前約過話一齊搭車走既人，今日竟然一個都無見過，但係無約過既竟然又撞到．．．昕姐^^，佢好慘，原本係１１點幾的車，最終因為壞車而等埋我一齊搭１點幾的車，哈哈！無錯～我係未試過坐直通巴士又唔經黃崗過關的，未試過去到沙頭角甘遠，我終於明白Ｄ人話被調去沙頭角係有幾慘了，簡直坐車坐到PatPat痛，下次都係去搵返中旅吧，過關時又完全同黃崗唔同，不過都係好在有．．．昕姐^^
第二樣：去到旺角同往常一樣甘上左１１８，諗住可以正常返Ｄ，點知當我開始聽ＭＰ３既時候，竟然望住個ＲＯＡＤＳＨＯＷ呆左，一個娘到爆既廣告！有條友做講解話身體差又點點點，仲介紹晒身邊Ｄ人一個個病病下甘，之後條友仲要好假甘打返個“乞痴”，畫面轉一轉又有個咩學者定醫生係度介紹Ｄ咩新既科學成份，對人體有幾好有幾好，搞完一輪條友出黎咀返淡新既維記牛奶，睇完簡直覺得Ｄ廣告沒落；正打算睇咩呀訓陣吧啦，點知又有一新野嚇一嚇，係什麼“從軍夏令營”都係Ｄ幾個學生哥講下有幾想去有幾好甘，之後仲要話咩辛唔辛苦，點樣鍛鍊自己，果ｄ內容我簡直連歌都唔聽，即時除低耳筒聽聽條片點ｓｅｌｌ，之後仲羅膽，個阿媽見到個仔入完ｃａｍｐ返黎，睇住個仔著住果ｄ紅膊迷彩既解放軍衫，都仲可以話“阿仔果然黑左又型仔左啊！”嘩～聽完呢句野，個心即刻（$!^$XCV%&GHE^%..........）ＳＯＲＲＹ真係忍唔到，我只可以話做呢條片果個好得，一定覺得而家Ｄ後生仔唔係傻就係白痴架啦，呢Ｄ都可以叫型，甘Ｄ童軍算咩呢？條片仲要成好幾分鐘，如果條片係唔想俾人參加呢個ＣＡＭＰ既，我覺得係萬分成功，簡直可以羅獎！
第三樣：其實都無咩既，都係意料之內，我返到屋企打算搵件衫換下，一打開衣櫃．．．．ＯＨ，上次以為清左少少衫出黎可以好Ｄ，點知今次又爆晒，仲要係前所未有甘爆架，無錯，我無咩時間係ＨＫ，衣櫃唔應該有甘多衫既，所以衣櫃內多到爆的衫全部都係我阿媽既．．．唉，又俾人入侵了～再唔驅逐返出境，甘我點繼續搬遷既大工程呀？！
留言列表
